ԿրթությունՀԵՏԲՈՒՀԱԿԱՆ ԿՐԹՈՒԹՅՈՒՆ

Հայ-Ռուսական (Սլավոնական) համալսարանի ասպիրանտուրա մրցութային հիմունքներով գիտությունների թեկնածուների պատրաստման նպատակով (Doctor of Philosophy- Ph.D.) ընդունվում են Հայաստանի Հանրապետության և Ռուսաստանի Դաշնության, ԱՊՀ երկրների և այլ օտարերկրյա երկրների քաղաքացիներ: Ասպիրանտուրայում գիտահետազոտական կադրերի պատրաստմանը թույլատրվում են այն անձինք, ովքեր ունեն բարձրագույն կրթություն` դիպլոմավորված մասնագետի կամ մագիստրոսի: Այն անձինք, ովքեր ունեն ասպիրանտուրան ավարտելու մասին վկայող դիպլոմ կամ գիտությունների թեկնածուի դիպլոմ, իրավունք չունեն գիտահետազոտական կադրերի պատրաստման նպատակով ասպիրանտուրայում երկրորդ կամ հաջորդիվ բարձրագույն կրթություն ստանալ պետական բյուջեի կողմից գումարի հատկացմամբ, ՌԴ սուբյեկտների և տեղական բյուջեների հաշվին: Քաղաքացիների ընդունելությունը ասպիրանտուրա իրականացվում է մրցութային հիմունքներով: Ասպիրանտների պատրաստումը իրականացվում է ուսման երկու ձևով` առկա և հեռակա: Առկա ասպիրանտուրա աշխատանքից ազատվելով մրցության հիմունքներով ընդնունվում են բուհերի շրջանավարտների և մասնագետների թվից Հայաստանի Հանրապետության և Ռուսաստանի Դաշնության այն քաղաքացիները, ում տարիքը չի գերազանցում 35-ը, իսկ հեռակա` 45-ը, ովքեր ունեն բարձրագույն մասնագիտական կրթություն, ովքեր աշխատում են բուհերում, ձեռնարկություններում, այլ կազմակերպություններում և հիմնարկներում, ինչպես նաև նրանք, ովքեր ունեն գիտահետազոտական ստեղծագործական ձեռքբերումներ:

Սոցիալ-հումանիտար մասնագիտություններով առկա ասպիրանտուրայում ուսւոմը տևում է 3 տարի, իսկ հեռակայում` 4: ՀՀ քաղաքացիների և իրենց հետ հավասար իրավունք ունեցող ՌԴ քաղաքացիների ընդունումը ասպիրանտուրա ըստ պետբյուջեի հատկացված տեղերի իրականացվում է մրցութային հիմունքներով ըստ ապիսրանտների ընդունելության ծրագրի, որը հաստատված է ՀՀ գիտության և կրթության նախարարության և ՌԴ գիտության նախարարության կողմից: Օտարերկրյա քաղաքացիները` ի թիվս ԱՊՀ քաղաքացիների, ընդունվում են ասպիրանտուրա ՀՀ բյուջեի և ՌԴ բյուջեի հաշվին ՀՀ և ՌԴ կրթության և գիտության նախարարությունների կողմից ուղղորդման առկայության դեպքում: ԱՊՀ երկրների և օտարերկրյա քաղաքացիները` ըստ ՀՀ և ՌԴ միջազգային պայմանագրերի և միջկառավարական համաձայնագրերի կամ ուղիղ կապերով արտասահմանյան կազմակերպությունների հետ, որոնք նախատեսում են վճարել իրավաբանական և ֆիզիկական անձանց ուսման լրիվ վարձը, ինչպես նաև ՀՌՀ ռեկտորատի կողմից հավելյալ ծառայությունները, կարող են ասպիրանտուրա ընդունվել:

 

Հավելյալ փաստաթղթերի ցուցակ`

Ընդունող հանձնաժողովը կայացնում է ասպիրանտուրայի ընդւոնելության քննությունների թույլատրման որոշումը հաշվի առնելով դիմողի հարցազրույցի արդյունքները ըստ համապատասխան ամբիոնի, որը տեղեկացնում է ընդունող հանձնաժողովին հարցազրույցի արդյունքների մասին: Ասպիրանտուրա ընդունվողները մասնակցում են մրցութային ընդունելության քննություններին (ՀՀ կրթության և գիտության նախարարության կողմից և ՌԴ կրթության և գիտության նախարարության հետ համաձայնեցված ժամկետներում), որոնց ծրագրերը կազմում են բարձրագույն ուսումնական կրթության պետական կրթական չափանիշներին համապատասխան:

Հանձնաժողովը գնահատում է դիմողի գիտելիքների աստիճանը հինգ բալանոց համակարգով: Յուրաքանչյուր ընդունելության քննություն կամ ստուգարք գնահատվում է առանձին:

Ասպիրանտուրա ընդունվելու քննությունների գնահատման չափանիշները`

Գերազանց` ունի հիմնական հարցերի վերաբերյալ խորը, հիմնավոր և համակարգված տեսական գիտելիքներ: Հարցերին տրված է գրագետ, տրամաբանորեն ճիշտ ներկայացված պատասխան:

Լավ` բավականին լիակատար տեսական գիտելիքներ անհրաժեշտ գիտական տերմինոլոգիայի վերաբերյալ` չնչին սխալներով:

Բավարար` գիտելիքների ընդունելի մակարդակ` զգալի սխալներով:

Սոտւգարք` գիտելիքների բավարար մակարդակ

Չհանձնած ստուգարք` գիտելիքների բացակայության և անընդունելի մակարդակի դեպքում:

Ասպիրանտուրա դիմողը մասնագիտությունից բավարար գնահատական ստանալու դեպքում չի ընդունվում ասպիրանտուրա:

Ասպիրանտուրա են ընդունվում այն անձինք, որոնք ունեն ընդունելության ստուգարքների և քննությունների արդյունքով ամենաբարձր գնահատականները: Հավասար գնահատականների դեպքում ընդունվում են այն անձինք, ովքեր ունեն առավել բարձր գնահատական մասնագիտությունից:

Ընդունելության քննությունները անցկացվում են բանավոր և գրավոր, ինչպես նաև համակարգչային տեխնոլոգիաների կիրառմամբ: Ըստ ՀՀ գիտության և կրթության կողմից տրամադրված տեղերի ասպիրանտուրա ընդունվողը պետք է հանձնի կենտրոնացված քննություններօտար լեզվից և համակարգչային տեխնոլոգիաներից: Անկախ կենտրոնացված քննություններից ասպիրանտուրա ընդունվողը պետք է հանձնի օտար լեզու և համակարգչային տեխնոլոգիաներ ՀՌՀ-ում:

Մասնագիտության ընդունելության քննությունը նախորդում է այլ առարկաների քննություններին: Օտարերկրյա քաղաքացիները` ի թիվս ԱՊՀ քաղաքացիների, հանձնում են նույն ընդունելության քննությունները, ինչ ՀՀ և ՌԴ քաղաքացիները:

Մասնագիտական քննությանը հարգելի պատճառով չներկայանալու դեպքում նշանակավում է քննությունների հանձնման նոր օր և, համապատասխանաբար, տեղաշարժվում են այլ առարկաներից քննությունները` պահպանելով հանձնման հերթականությունը և ժամկետները:

 

Սահմանափակ հնարավորություններ ունեցող անձանց նշված պայմանները տրամադրվում են ընդունելության դիմումի հիման վրա, ուր նշված է համապատասխան հատուկ պայմանների ստեղծման անհրաժեշտությունը:

Ընդունելության քննությունները չի թույլատրվում վերահանձնել: Հանձնված ընդունելության քննությունները գործում են մեկ օրացուցային տարվա ընթացքում: Ասպիրանտուրա ընդունվողը իրավունք ունի բողոքարկել ընդունելության քննության արդյունքները: Բողոքարկման դիմումների ընդունումը տեղի է ունենում քննության օրը, և բողոքարկման արդյունքները հայտնի են դառնում նույն օրը:

Այն անձինք, ովքեր մասամբ կամ ամբողջությամբ հանձնել են թեկնածուական քննությունները, ասպիրանտուրա ընդունվելիս ազատվում են համապատասխան ընդունելության քննություններից:

Ասպիրանտուրայի ընդունելության քննությունների իրավունք ունեցող անձինք` աշխատանքից հեռացմամբ կամ առանց դրա, իրավունք ունեն 30 օր տևողությամբ հավելյալ արձակուրդի` աշխատավայրի միջին ամսեկան աշխատավարձի պահպանմամբ, քննություններին պատրաստվելու և դրանք հանձնելու նպատակով, ըստ ՀՀ աշխատանքային օրենսդրության: Արձակուրդի իրավունք տվող փաստաթուղթ է հանդիսանում ՀՌՀ ռեկտորի (պրոռեկտորի) կողմից ստորագրված տեղեկանքը առ այն, որ անձին թույլատրվում է հանձնել ընդունելության քննություններ (ուղարկվում է անձամբ):

Քննությունները հանձնելու հետ կապված, ինչպես նաև հետագա ապրուստի բոլոր ծախսերը հոգում է ասպիրանտուրա դիմողը:

Բողոքարկումների հանձնման և քննարկման ընդհանուր կանոնները

Ասպիրանտուրա ընդունվողը իրավունք ունի դիմել վերաքննիչ հանձնաժողով, եթե իր կարծիքով խախտվել է ընդունելության քննության կամ ստուգարքի անկացման կարգը և եթե նա համաձայն չէ ընդունելության քննության արդյունքում ստացած գնահատականի հետ: Բողոքարկման դիմումների ընդունելությունը կատարվում է քննության օրը, և բողոքարկման արդյունքները հրապարակվում են նույն օրը: Ընդունվողն իրավունք ունի ներկա գտնվել բողոքարկման քննարկման ժամանակ:

Բողոքարկումը քննելուց հետո վերաքննիչ հանձնաժողովը որոշում է կայացնում ընդունելության քննության արդյունքների գնահատականի փոփոխության կամ նույն գնահատականի պահպանման վերաբերյալ:

Նպատակային ասպիրանտուրա ընդւոնվող անձինք կնքում են պայմանագիր (ՀՌՀ-ի տրամադրության ներքո լինելու ուսման ավարտից հետո), հանձնում են ընդունելության քննությունները այն բարձրագույն ուսումնական հաստատությունում կամ գիտահետազոտական հիմնարկում, որտեղ նրանք անցնելու են պատրաստումը և որոնց հետ ՀՌՀ-ն ունի համապատասխան պայմանավորվածություն` համաձայնեցված ՀՀ կրթության և գիտության նախարարության և ՌԴ կրթության և գիտության նախարարության հետ:

Նպատակային ասպիրանտուրայում սովորող ասպիրանտների պատրաստման հետ կապված ծախսերը հոգում են բարձրագույն ուսումնական հաստատությունները, գիտահետազոտական հիմնարկները, որտեղ այդ ասպիրանտները պատրաստվածություն են անցնում:

Այս անձանց ասպիրանտուրա ընդունելությունը իրականացվում է բարձրագույն ուսումնական հաստատությունների և գիտահետազոտական հիմնարկների կողմից մրցույթից դուրս` խիստ հետևելով նպատակային ասպիրանտուրայի ընդունելության կանոններին և այն ժամկետներում, որոնք նշվել են ընդհանուր հիմունքներով ընդունելության համար:

Դիմողը տեղեկացվում է ասպիրանտուրա ընդունվելու կամ չընդունվելու մասին ընդունելության քննությունների ավարտից և ընդունող (մանդատային) հանձնաժողովի որոշումից հետո:

Առկա ասպիրանտուրա ընդունված անձանց աշխատանքից հեռացումը կատարվում է ըստ ՀՀ աշխատանքային օրենսդրության:

Ընդունելության քննությունների արդյունքում ստացած բալերի քանակի հաշվին ընդունված առկա ասպիրանտների կրթաթոշակը վճարվում է ընդունելության օրվանից, բայց ոչ ավելի շուտ քան նախորդ աշխատանքից հեռացումից հետո:

Ընդունելության քննությունների արդյունքում ստացած բալերի քանակը նշող ընունելության հրամանը (հրամանները)` ինչպես ընդունելության քննության գնահատականներով անվճար, այնպես էլ վճարովի ծառայությունների տրամադրման վերաբերյալ պայմանագրերից ելնելով, զետեղվում են կազմակերպության պաշտոնական կայքում և փակցվում են ընդունելության հանձնաժողովի տեղեկատվական ցուցանակին հրապարակման օրը:

Թեկնածուական աշխատանքի վրա ինքնուրույն աշխատող գիտության թեկնածուի գիտական աստիճանի հայցորդներ կարող են լինել այն անձինք, ովքեր ունեն բարձրագույն կրթություն և դիպլոմավորված մասնագետի կամ մագիստրի որակավորում, մասնագիտական աշխատանքային փորձ, ինչպես նաև ատենախոսության վրա աշխատանքը արտադրական, գիտական կամ մանկավարժական գործունեության հետ համադրող անձինք:

Այն անձինք, ովքեր գրանցվում են ըստ մասնագիտության, որը տարբերվում է բարձրագույն կրթության մասին վկայող իրենց դիպլոմից (դիպլոմավորված մասնագետ, մագիստրատուրա) անպայման պետք է ուսման մեկ տարվա ընթացքում հանձնեն ընտրված մասնագիտությամբ որակավորման քննություն:

ԱՊՀ երկրների և այլ արտասահմանյան քաղաքացիները կարող են համարվել հայցորդներ` համաձայն ՀՀ և ՌԴ միջազգային և միջկառավարական պայմանագրերի կամ արտասահմանյան կազմակերպությունների հետ ուղիղ կապի, երբ վերջիններս նախատեսում են իրավաբանական և ֆիզիկական անձանց պատրաստման ուսման վարձերի և ՀՌՀ ռեկտորատի կողմից հաստատված գներով հավելյալ ծառայությունների ամբողջական փոխհատուցում:

Հայցորդությունը իրականացվում է ՀՌՀ-ում հաստատված կարգի համաձայն ինչպես բյուջետային միջոցներից, այնպես էլ պայմանագրային հիմքով: Ասպիրանտուրայում ուսման ամբողջական կուրս անցած, ինչպես նաև հայցորդության ժամանակը լիովին օգտագործած անձինք կարող են ՀՌՀ-ում կրկնակի կցվել որպես պայմանագրային հիմունքներով հայցորդ:

Այն անձինք, ովքեր ամբողջովին չեն օգտագործել հայցորդության ժամկետը, կարող են կցվել ՀՌՀ-ին մնացած ժամանակով:

Հայցորդները կցվում են ՀՌՀ-ին կրեդիտային համակարգով հետբուհական կրթության հիմնական մասնագիտական կրթական ծրագրի իրականացման, թեկնածուական քննությունների և գիտությունների թեկնածուի գիտական աստիճանի հայցորդության համար: Կրեդիտային համակարգով հետբուհական կրթության հիմնական մասնագիտական կրթական ծրագրի իրականացումը և թեկնածուական քննությունների նպատակով հայցորդների կցումը կարող է կատարվել ոչ ավելի, քան երկու, իսկ թեկնածուականի պատրաստման համար` ոչ ավելի, քան երեք տարի ժամկետով:

Հայցորդների կցումը կարող է իրականացվել ինչպես բոլոր, այնպես էլ առանձին թեկնածուական քննությունների հանձնման նպատակով:

Գիտությունների թեկնածուի գիտական աստիճանի հայցորդները ըստ կցման վայրի հանձնում են թեկնածուական քննություններ փիլիսոփայությունից, օտար լեզվից և մասնագիտությունից, ինչպես նաև ինֆորմատիկայից (ստուգարք):

ՀՌՀ հայցորդները կցվում են ուսումնական տարվա սեպտեմբերի 1-ից հոկտեմբերի 1-ը:

Բարձրագույն ուսումնական հաստատություններ ընդունվելու համար հայցորդները պետք է ներկայացնեն հետևյալ հիմնական փաստաթղթերը`

 

Հավելյալ փաստաթղթերի ցուցակ`

 

 

Գիտության գծով պրոռեկտորի ներկայացմամբ և հայցորդի հարցազրույցի արդյունքների հիման վրա, ենթադրյալ գիտական ղեկավարի առկայության դեպքում և համապատասխան ամբիոնի եզրակացությամբ ՀՌՀ ռեկտորը հրաման է արձակում կցել հայցորդին` նշելով կցման ժամկետը և գիտական մասնագիտությունը: Ընդունելությունից հետո 3 ամսվա ընթացքում նշանակվում է հայցորդի գիտական ղեկավարը: Հայցորդի` թեկնածուական քննություններ հանձնելիս կցման ժամանակ գիտական ղեկավար չի նշանակվում: